Dubey-SANA
Îro Yekşemê li Dubeyê xebatên “Lûtkeya Cîhanî ya Zanayan” dest pê kirin, bi beşdarbûna zêdetirî 150 zanayên xwedîyên Xelata Nobelê û xelatên bilind, ligel serokên hukûmetan û biryarderên navneteweyî.
Ajansa “WAM”ê lûtkeyeke cîhanî ya zanayan ji bo 3 rojan bi rê ve dibe, bi dirûşma “Zanistên Bingehîn ji bo rûbirûbûna astengîyên mirovahîyê”.
Çalakîyên roja yekem forumên pispor di warê Zîrekîya Destkird û vedîtinên wê, teknolojîyên veguherîner, enerjîya nû û vedîtina zanistî de li xwe digire.
Ev lûtke pabendbûna Îmaratê nîşan dide ji bo xurtkirina rola zanist û zanînê wekî hêzeke palder ji bo avakirina pêşerojeke pêşkeftîtir û domdartir ji bo nifşên bê.
Lûtkeya Cîhanî ya Zanayan wekî yek ji girîngtirîn û mezintirîn kombûnên zanistî yên kalîteyî li cîhanê tê hesibandin, û ji alîyê giranîya zanistî ya beşdaran ve ya herî mezin e.
