Qudsa Dagirkirî-SANA
Çavdêrîya Mafên Mirovan a Ewropayê-Medîterrane Euro-Med, nîgeranîya xwe ya kûr derbarê operasyonên berfireh ên vekolîna goran de anî ziman ku ji aliyê artêşa Îsraîlê ve li rojhilatê Bajarê Xezeyê, bi hinceta lêgerîna li termê dawî dîlê Îsraîlî li Kertê hatine kirin.
Çavdêrîyê, di daxuyanîyekê de îro Duşemê, eşkere kir ku divê her karê lêgerînê di çarçoveya herî teng de, bi garantîyên mirovî yên tund û di bin çavdêrîya navdewletî ya bêalî de were sînordarkirin.
Her wiha, destnîşan kir ku raporên belgekirî hene ku artêşa Îsraîlê nêzîkî 200 gor li goristaneke taxa Şucaîyê vekolîne, bêyî ku ti agahî hebin ka operasyonên kontrolê li cihê bûyerê tên kirin, an ka term tên dizîn an bo cihên din tên veguhestin.
Çavdêrîyê, da zanîn ku berdewamîya vekirina goran bêyî çavdêrîya aliyekî pispor wek Komîteya Navdewletî ya Xaça Sor, metirsîyên binpêkirina rûmeta mirîyan zêdetir dike.
Li gorî zanînên çavdêrîyê, ku artêşa Îsraîlê di du salên borî de 21 goristan ji 60 goristanên li Kertê wêran kirine.
Wê tekezî kir ku ev binpêkirin, binpêkirineke eşkere ya yasayên mirovî yên navdewletî ye ku bêrêzîkirina li hember goran an destwerdana li terman qedexe dike.
Çavdêrîyê, tekezî li ser pêwîstîya cîbicîkirina rola Dadgeha Tawanan a Navdewletî û komîteyên lêkolînê yên Neteweyên Yekbûyî di lêkolînkirina wêrankirina sîstematîk a goristanên Filistînê û dizîna terman de kir.
