Şam-SANA
Serokê Amerîkayê Donald Trump, avakirina “Civata Aşitîyê li Xezeyê” ragihand. Ev gav wekî beşekî ji qonaxa duyem a plana wî tê, ji bo bidawîkirina şer û avakirina Xezeyê, ligel pêşinyara avakirina rêveberîyeke fîlîstînî ya veguhêz a teknokrat.
Ev biryar piştî ketina agirbestê di warê cîbicîkirinê de û lidarketina lûtkeyeke aşitîyê ya navdewletî hat. Heya niha heşt welatên Ereb û Misilman tevlî civatê bûne. Peymana damezirandinê li Davosê bi amadebûna nûnerên 21 welatan hat îmzekirin, ku tê de tekezî li ser pêşînîya agirbestê û herikîna alîkarîyên mirovî hat kirin.
Karvedanên navdewletî li ser vê mijarê ji hev cuda bûn; hinek welatan qebûl kir, hinekan fikarên xwe anîn ziman û hinekan jî red kir. Her wiha nîqaş li ser desthilatên vê civatê û rola wê li gor Neteweyên Yekbûyî berdewam in.
Ev destpêşxerî di demekê de tê ku karesateke mirovî ya berfireh li Xezeyê heye. Ji ber vê yekê, serkeftina civatê bi pabendbûna endamên wê û şîyana wê ya rûbirûbûna astengîyên mirovî, sîyasî û karên avakirinê ve girêdayî ye.
