Qahîre-SANA
Komkara Dewletên Erebî bi tundî girtina ser Mizgefta Eqsayê ji alîyê wezîrê Îsraîlî Itamar Ben-Gvir û bi sedan niştecihên Cihû ve şermezar kir. Komkarê ev kiryar weke binpêkirineke eşkere ji rewşa dîrokî û yasayî ya Qudsa dagirkirî re û êrîşeke rasterast li ser avahîyên pîroz ên Îslamê dît.
Sekreterîya Giştî ya Komkarê tekez kir ku pêkanîna perestkarîyên Telmûdî yên cihê hêrsvedanê ne li hewşên Eqsayê di bin parastina hêzên dagirker de, gurkirineke metirsîdar e û gef e li ser aştî û ewlehîya bajarê Qudsê.
Komkarê bal kişand ser berdewamîya girtina bi ser Mizgefta Eqsayê de ji alîyê rayedarên dagirker û niştecihan ve, û binpêkirinên rojane yên li dijî pîrozîyan, gund û bajarokên Filistînîyan li Kenara Rojava.
