Bruksel-SANA
26 dewletên endamên Yekîtîya Ewropayê (YE) bang li hemû alîyên Venezuelayê kirin ku aram bin û xweragirtinê nîşan bidin, da ku rê li ber rageşîyê bê girtin û gihîştina çareserîyeke aştîyane ji bo qeyrana li wî welatî were misogerkirin.
Di daxuyanîyê de hat dîyarkirin ku YE giringîyeke herî zêde dide têkoşîna li dijî tawanên rêxistinkirî û bazirganîya madeyên hişber, ji ber ku ew wekî gefeke ewlekarî ya cîhanî têne hesibandin. Her wiha hat ragihandin ku welatên îmzeker bi hevkarên herêmî û navneteweyî re di têkilîyê de ne da ku dîyaloga di navbera alîyên peywendîdar de hêsan bikin, bi mebesta gihîştina çareserîyeke demokratîk û bi rêya danûstandinan.
Serokê Amerîkayê Donald Trump ragihandibû ku hêzên Amerîkî operasyoneke leşkerî ya berfireh li Venezuelayê pêk anîne, ku di encamê de Serok Maduro û hevjîna wî hatine girtin û ji bo amadekirina dadgehkirina wan bi tohmetên girêdayî madeyên hişber û terorê, ji bo Amerîkî hatine birin.
