London-SANA
Ji bo ku herikîna penaberan kêm bike, Hikûmeta Brîtanyayê guhertinên tund di rênimayên xwe yên penaberîyê de ragihandin. Wezîra Karên Hundir Şebana Mehmûd piştrast kir ku ew ê bi rêya kêmkirina sûdmendîyên penaberan re “bilêta zêrîn a penaberîyê” rawestîne.
Guhertin kêmkirina dema rûniştinê jî li xwe digire ku ji pênc salan bo 30 mehan tenê ye. Ev rewş dê her wext were şopandin û penaberan neçarî vegera welatên wan bike, ji ber ku ewlehî li deverên wan peyda dibe.
Hikûmet dixwaze dema bendewarîyê dirêj bike, heye ku bighêje 20 salan jî berî ku penaber karibe rûniştina demdirêj bixwaze. Ev tedbîrên Brîtanyayê piştî ku rênimayên xwe yên derbarê penaberan de bi tevayî di bin çavan re derbas kirine hatine, û li alîyekî din jî rênimayên tund ên ku Danîmarkê danîne, li ber çav hatine girtin.
Daneyên Wezareta Karên Hundir nîşan didin ku di navbera Hezîrana 2024 û Hezîrana 2025an de zêdetirî 111,000 daxwaznameyên penaberîyê hatine pêşkêşkirin, ku ev hejmar ya herî bilind e ji destpêka Serjimêrîyê ve ya di sala 2001ê de.
