London-SANA
Bêhtirî 1500 pisporên sînemasaz û televîzyonê yên her çar alîyên cîhanê -xelatgirên Oscarê jîdi nav de-daxwaznameyek îmze kiriye û wan tê desoz daye kuhevkarîyê bi şîrket û sazîyên Îsraîlî re yên ku destê wan di qirkirinê û di pergala cîyawazîyê de ya li dijîFilistînîyanheye, nekin.
Ajansa Nûçeyan a Filistînî (WAFA) ji rojnameya Brîtanî de “The Guardian” a ku daxwazname weşandiye,veguhast: “Di nav îmzekaran de, gelek kesên navdar, û her weha xelatgirên Oscar û Akademîya Brîtanî û Palme d’Or jî hene.”
Daxwazname ji hêla derhênerên wekî “Yorgos Lanthimosê Yûnanî, Ava DuVernay û Adam McKay ên Amerîkî, û Mike Leighê Brîtanî” ve hatiye îmzekirin. Her weha lîstikvanên ku daxwazname îmze kirine,lîstikvanên Brîtanî:“Olivia Colman, Aimee Lou Wood, Zebaba Asiedu û Josh O’Connor” û yên Amerîkî:“Ayo Edebiri, Mark Ruffalo û Cynthia Nixon”.
Îmzekeran, wekî ku ji hêla WAFAyê ve hatiye ragihandin, got: “Dadgeha Navneteweyî ya Dadwerîyê biryar da ku metirsîyekejidil a qirkirinê li Xezeyê heye, û Îsraîla dagirker û pergalacîyawazîyê ya li dijî Filistînîyan, neqanûnî ne.”
Îmzekerên daxwaznameyê tekez kirin ku “Berevanîya li hember wekhevî, edalet û azadîyê ji bo her mirovî erkekî exlaqî yê pilebilind e ku tu kes ji me nikare paşguh bike! Ji ber vê yekê, divê em dengê xwe li dijî zîyana ku li gelê Filistînê dibe bilind bikin!”
Îmzekerên daxwaznameyê wiha domandin: “Me jî da ser rêyafîlmçêkerên berî xwe yên ku li dijî cîwazîyê bûne yek û razî nebûne ku fîlmên xwe li Afrîkaya Başûr nîşan bidin.. Em jî wekî wan, ne bi fîlmên xwe ne jî di fîstîvalan de, bi sazîyên Îsraîlî re naxebtin, ne tenê ewqas, belkû sînema, dezgehên weşanê û şîrketên hilberînê jîyên ku destê wan di qirkirinê û di pergala cîyawazîyê de ya li dijî Filistînîyan heye.
Hêjayî gotinê ye ku ji 7ê Cotmeha 2023an û vir ve, hêzên dagirker ên Îsraîlê, li Xezeyê li dijî gelê Filistînê şerekî komkujanedidin meşandin ku di encamê de bêhtirî 64,520 kesî jîyana xwe ji dest daye,û 163,096 kes jî birîndar bûne ku piranîya wan jin û zarok in.
