Laziqîyê-SANA
Kadroyên bijîşkî yên Sûrî yên ji hundir û derveyî welat, bi hevkarîya ligel bijîşkên Nexweșxaneya Zarokan a li Laziqîyê, îro Sêşemê, di çarçoveya pisporîya neştergerîya zarokan de emelîyatên neştergerî yên taybet encam dan, ev yek di çarçoveya qonaxa çarem a Kempîna Bijîşkî ya Navdewletî ya “Şîfa” de pêk hat.
Kempîna armanc dike ku xizmetên tenduristî yên pispor û bêpere ji bo zarokan peyda bike, ligel xurtkirina hevkarîya di navbera şîyan û kadroyên bijîşkî yên Sûrî de.
Rêveberê Tenduristîya Laziqîyê Dr. Xelîl Axa ji SANAyê re dîyar kir ku emelîyatên bêpere yên kempîna “Şîfa 4” beşdarî baştirkirina rewşa tenduristîya nexweşan kirine, û encamên her kempîneyekê tên nirxandin da ku ji bo pêşxistina kempîneyên bê, mifa jê were girtin.
Navborî her weha bal kişand ser amadekarîyên kempîneyên bêtir pispor bi hevahengîya ligel rêxistina “Şîfa”yê, da ku pêdivîyên di warên neştergerîya demaran, hestîyan û destwerdanên dil de li parêzgehê werin dabînkirin.
