Şam – SANA
Cîgirê Wezîrê Tenduristîyê Dr. Huseyîn El-Xetîb bi rêvebirên tenduristîyê yên parêzgeha Heleb, Dera û Dêra Zorê re, der barê zehmetîyên ku di kar de tûşî dibin û rêbazên hevkarî û hevrêzkirinê ji bo derbaskirina wan, gotûbêjek kir.
Wekî din jî, di civînekê de ku li avahîya Wezaretê hat lidarxistin, rêvebirên tenduristîyê li ser zehmetîyên ku di karê xwe pêrgî dibin, bi taybetî kêmbûna alavên bijîşkî û kêmbûna dijwar a hin pisporan, nirxandin. Wan her weha bal kişand ser pêwîstîya pêşxistina binesazîyê, modernîzekirina pergalên agahdarîyê û pêşxistina çavkanîyên mirovan, ji bilî xurtkirina tedbîrên kontrolkirina vegirtina nexweşîyan û nûkirina peymanên xizmeta paqijîyê.
Li alîyê din jî, Dr. El-Xetîb tekez kir ku Wezaret hewl dide ku çavkanîyên pêwîst ji bo pêşxistin û parastina binesazîyên tenduristîyê, nûjenkirina alavan û ewlekirina pêdivîyên bijîşkî veqetîne, ku dê beşdarî baştirkirina kalîteya xizmetên tenduristîyê yên ku ji nexweşan re têne peydakirin bibe.
Her weha di civînê de, Rêveberê Binesazîyên Tenduristîyê yê Wezaretê, Dr. Beşar El-Kinanî, û hejmarek rêveberên peywendîdar yên Wezaretê amade bûn.
