Şam-SANA
Serok Ehmed El-Şara’ îşev xula 62emîn a Pêşangeha Navneteweyî ya Şamê ya 2025 bi dirûşmeya “Sûrîya Pêşwazîya Cîhanê Dike” li qada Pêşangeha Nû ya li gundewarê Şamê vekir.
Di axaftina xwe ya vekirinê de, Serok El-Şara’ tekez kir ku li seranserê dîrokê, Sûrîya navendeke girîng a bazirganî û pîşesazîyê bûye. Lê belê, di serdema rejîma berê de, welat di qûnaxeke zilm û gendelîyê re bihurî ku ew dûrî veberhînanê xist. Lê piştî rizgarkirinê, Sûrîye bi ser xwe ve hat û dest bi pêvajoya ji nû ve avakirin û pêşketinê kir.
Li alîyê din jî, wî destnîşan kir ku Sûrîya nû serê pêşî xema bidestxistina aramî û ewlehîyê, pêşketina aborî, pêşxistina xizmetguzarîyan û misogerkirina vegera penaberan dixwe. Digel wan jî, çaksazkirina dadwerî, perwerdehî û kerta darayî, her weha derîyên xwe ji bo veberhînanên herêmî û bîyanî vedike, û di heman demê de têkilîyên xwe bi cîhanê re vedigerîne.
Her weha Serok El-Şara’ tekez kir ku Pêşangeha Navneteweyî ya Şamê rûpeleke nû di pêjajoya Sûrîyeya nûjen de nîşan dide ku mîrateya wê ya dewlemend a aborî û cihê wê yê dîrokî raber dike.
Merasîma vekirinê bi beşdarîya bêhtirî 800 şîrketên herêmî û bîyanî ji 20 welatan, bi beşdarîya wezîr, dîplomat, karsaz û kesayetên olî, çandî û hunerî, li ser qadeke ku rûberê wê 95,000 e, hat lidarxistin.
Pêşangeh dê ji sibê heta 5ê Îlonê, her roj ji saet 5ê êvarî heta 11ê şevê, ji bo mêvanan vekirî be.
