Tertûs-SANA
Alîyên pêwendîdar li Tertûsê, kesekî ku destê wî di qulkirina xeta petrolê û dizîya wê de hebû li Tertûsê girt. Her wiha lêpirsîn û çalakîyên lêgerînê ji bo girtina kesên din ên tevlêbûyî berdewam dikin.
Dadmendîya Tertûsê, îro Yekşemê, li ser rûpela xwe ya Facebookê dîyar kir ku daîreya wê ya lêpirsînê rêkarên xwe didomîne ji bo eşkerekirina hûrgilîyên bûyera qulkirin û dizîya xeta petrolê ya ku di nav goristana nû ya Tertûsê re derbas dibe.
Di heman demê de Hêzên Ewlehîya Navxweyî hewldanên xwe ji bo girtina hejmarek kesên ku destê wan jî di vê çendê de heye û xwe ji ber çavan dane alî berdewam dikin.
Dadmendîyê da zanîn ku kesê girtî di dema lêpirsînê de li xwe mikur hat ku wî alîkarîya çend kesên din ên revîyayî di pêkanîna wê kiryarê de kiriye; ew jî bi rêya hêsankirina derbasbûna goristanê û kolana erdê ji bo gihiştina xeta petrolê û siwarkirina amûrên pêwîst ji bo veguhastina petrolê bo tankerê.
