Şam-SANA
Sazîya Sûrî ya Berîdê, ragihand ku wê derfeta pêşkêşkirina daxwaza wergirtina belgeya eqarî bi awayekî elektronîkî bi rêya platforma “Enciz” an sepana “Mu’amelatî” dabîn kiriye, û welatî dikarin belgeya xwe ji her nivîsgeheke berîdê ya nêzîkî wan li parêzgehên cuda cuda wergirin, bêyî ku hewce bike ji nivîsgeha ku di dema pêşkêşkirina daxwazê de hatibû destnîşankirin wergirin.
Sazîyê li ser rûpela xwe ya Facebookê îro Yekşemê dîyar kir ku ev gav bi hevahengîya ligel Rêveberîya Giştî ya Berjewendîyên Eqarî tê, bi armanca hêsankirina gihîştina welatîyan bo xizmetê û dabînkirina nermîya zêdetir di wergirtina belgeyan de.
332 nivîsgehên berîdê li parêzgehan
Sazîyê her weha bal kişand ser wê yekê ku ev xizmet ji toreke Sazîya Sûrî ya Berîdê ku 332 nivîsgehên berîdê li deverên cihêreng ên Sûrîyê li xwe digire sûdê werdigire, ku ev yek beşdarîyê di berfirehkirina çarçoveya gihîştina xizmetên berîdê û yên elektronîk de dike, û barê li ser milê welatîyan sivik dike.
Mirov dikarebi rêya vê lînkê sûdê ji vê xizmetê bi rêya sepana «Mu’amelatî» wergire.
Her wiha mirov dikare sepanê rasterast bi rêya vê lînkê daxîne.
Ji bo sûdwergirtina ji platforma “Enjiz ” bi rêya malpera webê.
