Şam-SANA
Wezareta Karûbarên Civakî û Kar tîmeke taybet ji bo şopandina karûbarên xelkê ku vedigerin deverên xwe û rûniştvanên kampan li parêzgeha Hesekê ava kir.
Tîmê îro Çarşemê, civîneke li ser înternetê bi nûnerên civaka herêmî li devera Şedadê, Rêveberê Karûbarên Civakî û Kar li parêzgehê Îbrahîm Xelef, berpirsê birêvebirina karûbarên başûrê Hesekê Ednan Derwîş, û nûnera wezaretê bo karûbarên penaber û koçberan Mey Berazî re pêk anî.
Di civînê de li ser xebata hevbeş ji bo dîyarkirina pêdivîyên sereke û peywendî bi alîyên xêrxwaz û sazîyên hikûmetê re hat lihevkirin, da ku rewşa jîyanê ya xelkê li wir were başkirin. Her wiha bal hat kişandin ser şopandina daxwazên herî girîng wek piştgirîya projeyên piçûk, başkirina xizmetên bingehîn di beşên perwerde û tenduristîyê de, û dabînkirina çavkanîyên ava vexwarinê ya paqij.
