Dera-SANA
Wezareta Navxwe îro Şemîyê ragihand ku wan karîbû makîneyeke pakêtkirina madeyên hişbir li gundewarê Derayê bi rêya operasyoneke hûr desteser bikin û parçe bikin, her wiha dest danîn ser tibabeke mezin a madeyên hişbir li heman deverê.
Wezaretê di daxuyanîyekê de li ser Telegramê dîyar kir ku ev operasyon encama çavdêrîyeke îstîxbaratî ya berfireh û şopandina liv û tevgera qaçaxçîyan bû. Vê yekê hişt ku bi ser cihê wan de bigirin û makîneya pakêtkirinê desteser bikin, tevî tibabeke mezin ku nêzî mîlyonek hebên keptagonê tê texmînkirin, ku ji bo qaçaxçîtîya ber bi derveyî welêt ve hatibûn amadekirin.
Wezareta Navxwe tekezî li ser biryardarîya xwe ya ji bo berdewamkirina şopandina bazirganên madeyên hişbir, girtina rêyên qaçaxçîtîyê û hişkkirina çavkanîyên vê bêtara metirsîdar kir, ji bo parastina ewlehî û aramîya civakê.
