Laziqîye-SANA
Di roja yekem a Cejna Remezanê de, ciwanekê jîyana xwe ji dest da û du keçikên piçûk birîndar bûn, piştî ku li lîstikgehekê li devera “ El-Şati El-Ezreq ” stûneke lîstikan ket.
Nûçegihanê SANAyê li Laziqîyê, dîyar kir ku bûyer di dema xebitandina lîstikan de, hevdem bi vekirina lîstikgehê roja Înê êvarî rû da, û ev yek bû sedema tirseke mezin di nav serlêderan de.
Tîmên hawarçûnê û Parastina Sivîl, yekser çûn cihê bûyerê û birîndar ji bo dermankirinê rakirin nexweşxaneyê. Ji hêla xwe ve rêveberîya Ragihandinê ya Laziqîyê piştrast kir ku alîyên peywendîdar lêkolînan li ser hûrgilî û sedemên bûyerê berdewam dikin, da ku rêkarên pêwîst ji bo parastina ewlehîya giştî werin girtin.
