Hesekê – SANA
Îro Pêncşemê, 300 girtî ji zindanên “HSD”ê li Qamişlo û Hesekê hatin azadkirin, ev yek bi hewldanên tîma serokatîyê ya berpirsa şopandina cîbicîkirina bendên peymana 29ê Kanûna Duyem ligel “HSD”ê pêk hat; girtî ji bajarê Hesekê bo bajaroka Şedadê hatin veguhestin.
Her wiha di vê proseyê de 300 kesên binçavkirî ku endamên “HSD”ê bûn hatin berdan, ku di dema operasyonên sepandina yasayê de di dema borî de hatibûn girtin.
Berdevkê tîma serokatîyê Ehmed El-Hîlalî îro di daxuyanîyekê de tekez kir ku proseyên azadkirinê dê berdewam bin heta valakirina zindanan û girtina dosyaya girtîyan. El-Hîlalî dîyar kir ku dewlet dê birêvebirina zindanên “HSD”ê li parêzgeha Hesekê bigire ser xwe û di operasyonên bê de dê hemû endamên “HSD”ê werin berdan.
Şanderê serokatîyê ji bo şopandina bendên peymanê Emîd Zîyad El-Ayiş berê îro tekez kiribû ku dosyaya girtîyan xwedî pêşînîyeke taybet e, û kar ji bo azadkirina kesên mayî û eşkerekirina çarenivîsa windayan di demeke nêz de berdewam dike.
Hikûmeta Sûrîyê di 29ê Kanûna Duyem a borî de peymana ligel “HSD”ê ragihandibû, ku rawestandina şer, destpêkirina proseyeke dabeşkirî ya tevlîkirina hêzên leşkerî û îdarî, derbasbûna hêzên ewlehîyê bo navendên bajarên Hesekê û Qamişloyê, û radestkirina hemû sazîyên sivîl, hikûmî û dergehên sînorî bo dewletê li xwe digire.
