Hema-SANA
Rêveberîya Ewlehîya Hundirîn li devera Misyafê ya parêzgeha Hemayê îro Duşemê, grûpeke rêkxistî desteser kir. Ev kom ji pênc kesan pêk dihat û li jêr gefa çekan bi karê dizî û talanê radibû.
Rêveberîyê ji bo SANAyê dîyar kir ku operasyona girtinê piştî demeke dirêj ji şopandin û çavdêrîya hûr ji bo komkirina agahîyan li ser tevgerên gumanbaran pêk hat. Li ser vê yekê, hêzên ewlehîyê kemîneke tekûz vedan û di encamê de endamên grûpa tawanbar hatin girtin.
Her wiha da zanîn ku alîyên peywendîdar lêkolînan berdewam dikin da ku rêkarên qanûnî li dijî tawankaran werin girtin û tekez kir ku ew bi biryar in ku her kesê ewlehîya welatîyan û mal û milkên wan bixe metirsîyê bişopînin û bigirin.
