Heleb-SANA
Fermandarîya Ewlehîya Hundirîn li parêzgeha Helebê dest bi wergirtina endamên rêxistina “HSD”ê ku dixwazin rewşa xwe sererast (teswîye) bikin, kir. Ev prose li navenda taybet a li parêzgehê ku li taxa Şêx Meqsûdê li tenişta Nexweşxaneya Yasîn (avahîya Navenda Tenduristîyê) ye, tê meşandin; piştî ku wan endaman çekên xwe radestî alîyên ewlehîyê yên peywendîdar kir.
Wezareta Navxwe di daxuyanîyekê de îro Duşemê eşkere kir ku ev pêngav di çarçoveya hewldanên wê yên navxweyî de tê ji bo çespandina ewlehîyê û bihêzkirina aramîya li hemû deveran.
Ev yek bi peydakirina rêçeke yasayî pêk tê ku derfetê dide kesên dixwazin vegerin ser jiyana xwe ya medenî û mafên xwe yên sivîl bidest bixin, di nav de derxistina belgeyên fermî û birêvebirina karûbarên xwe yên rojane bi awayekî asayî û rêkûpêk.
