Heleb-SANA
Parêzgarê Helebê Ezam El-Xerîb bidawîhatina qonaxa awarte ya bersivdana mirovî li taxên Eşrefîyê û Şêx Meqsûdê û vegera temam a ewlehî û aramîyê li herêmê ragihand. Eşkere jî kir ku zêdetirî 90% ji şênîyan vegerîyane malên xwe.
Parêzgar di daxuyanîyekê de duh înê bal kişand ser bihêzkirina xizmetên bingehîn li her du taxan, ku rojane 22 hezar kîlogram nan bi rêkûpêkî tê dabeşkirin û firin 24 saetan dixebitin.
Her wiha sê xetên veguhastina navxweyî ji bo hêsankirina çûnûhatina welatîyan hatin aktîfkirin, du navendên tenduristîyê û çar klînîkên gerok ji bo dabînkirina çavdêrîya tenduristî ya pêwîst hatin vekirin. Di heman demê de, rêyên ku bi berbestên axê yan çîmentoyê girtî bûn, hatin vekirin.
Tora elektrîkê bi rêjeya 80% hat sererastkirin û nûjenkirin. Parêzgar dîyar kir ku xebat ji bo amadekirina 10 dibistanan berdewam e da ku di destpêka werza xwendinê ya duyem de bikevin xizmetê, ku ev yek rê dide xwendekar di jîngeheke ewle de vegerin ser xwendina xwe.
