Heleb-SANA
Wezareta Navxwe ragihand ku depoyeke çekên curbicur û cebilxaneyên cihêreng ên rêxistina HSDê li bajarê Dêr Hafirê li gundewarê parêzgeha Helebê yê rojhilat dîtiye, ev yek di dema operasyonên lêgerîn û pişknîna ewlehîyê de ku ji alîyê yekîneyên hêzên Ewlehîya Navxwe ve têne kirin, pêk hat.
Îro Şemîyê, Wezareta Navxwe di daxuyanîyekê de li ser hesabê xwe xwe yê Telegramê dîyar kir ku dest danîye ser tiştên desteserkirî û radestî alîyên peywendîdar kiriye ji bo wergirtina tedbîrên qanûnî yên pêwîst. Her wiha tekez kir ku operasyonên lêgerînê ji bo dabînkirina ewlehîya hemû taxên bajêr û parastina welatîyan ji her kiryareke ku gefê li ewlehî û silametîya wan bixwe, berdewam dikin.
Piştî vekişîna hêzên rêxistina HSDê û radestkirina bajêr ji bo Artêşa Sûrîyê, Yekîneyên Ewlehîya Navxwe li parêzgeha Helebê ji sibeha îro ve dest bi belavbûna xwe ya meydanî ya rêkxistî li bajarê Dêr Hafirê kir.
