Quneytira-SANA
Hêzên Îsraîla dagîrker îro pêncşemê, derbasî gundê Seyda El-Hanûtê li gundewarê başûrê Quneytirayê bûn.
Nûçegihanê SANAyê li Quneytirayê eşkere kir ku hêzeke dagîrkerîyê ji 22 wesayîtan pêk dihat derbasî gund bû, û sê ciwan girtin, ku didu ji wan birayên hev in, ji bo demekê û piştre ew berdan.
Hêzên dagîrker duh derbasî bajarok û gundên Bîr Ecem, Birîqe, Semedanîye ya rojava û ya rojhilat li gundewarê başûrê Quneytirayê bûn.
Îsraîl bi êrîşên li ser başûrê Sûrîyê û li ser welatîyan, bi rêya serdegirtinan û têkbirina zevîyan, binpêkirina peymana veqetandinê ya sala 1974an, didomîne.
Sûrîye bi berdewamî daxwaza derketina hêzên Îsraîlê ji xaka xwe dike, û tekez dike ku hemû karên ku li başûrê Sûrîyê dike betal û bêkêr in, û li gorî yasayên navdewletî tu bandoreke wan a yasayî nîne, û bang li civaka navdewletî dike ku berpirsyarîyên xwe bigire û li dijî kiryarên dagîrkerîyê bisekine, û wê neçar bike ku bi tevahî ji başûrê Sûrîyê vekişe.
