Hims-SANA
Wezîrê Navxwe Enes Xetab tekez kir ku alîyê li pişt teqîna terorîstî ku îro li bajarê Himsê rû daye, wê destê dadmendîyê bigihêje wan. Piştrast jî kir ku destên xirabkar dê di hewldanên xwe yên ji bo lêdana yekîtîya gelê Sûrîyê û têkdana aramîya wî de, bi ser nekevin.
Xetab li ser hesabê xwe yê Xê got: “Em sersaxîyê ji malbatên qurbanîyên li Himsê re dixwazin, daxwaza şîfaya bilez ji birîndaran re dikin û ji Xwedê lava dikin ku sebrê bide malbatên wan.”
Îro teqîneke terorîstî Mizgefta Îmam Elî bin Ebî Talib li taxa Wadî El-Zehebê ya bajarê Himsê armanc girtibû, ku di encamê de heşt kes hatin kuştin û 18 kesên din jî birîndar bûn. Di heman demê de, gelek welatan piştevanîya xwe bi Sûrîyê re û li dijî her alîyê ku ewlehî û aramîya wê dixe metirsîyê, tekez kirin.
