Şam-SANA
Wezareta Hundirîn piştrast kir ku di encama topbarana serberdayî û operasyonên nîşangirtinê de ku “HSD”ê îro li deverên niştecihbûnê yên li bajarê Helebê pêk anîn, zarokek û dayîka wî şehîd ketin û panzdeh kesên din jî birîndar bûn ku piranî jin û zarok in.
Wezaretê di daxuyanîyekê de li ser Telegramê dîyar kir ku birîndar ji bo wergirtina lênêrîna bijîşkî ya pêwîst ji nexweşxaneyên El-Razî û Zanîngehê yên Helebê re hatine veguhastin, her weha di dema gihîştina birîndaran de nexweşxaneya El-Razî rastî topbarana bi qestî hat, û tevî hewildanên dijwar tîmên bijîşkî hîn jî dermankirina bilez pêşkêş dikin.
Wezaretê zelal kir ku yekîneyên Ewlekarîya Hundirîn belavbûna xwe li taxên zîyandîtî xurt kirin, ji bo dabînkirina ewlehîya sivîlan û parastina wan ji metirsîyan, û dûrxistina xelkê ji deverên topbaranê.
Îro gelek taxên bajarê Helebê rûbirûyî êrîşên HSDê bûn ku bi topên hawanê, moşekavêjan û çekên giran hatin kirin. Hêzên Ewlekarîya Hundirîn piştî van êrîşan xebitîn ku sivîlan ji wan deveran derxin û ewlehîya wan dabîn bikin.
