Siwêyda – SANA
Helbestvan û çalakvan Enwer Fewzat El-Şair, duh êvarîli pêşîya mala xweli gundê Busanê li gundewarê rojhilatê Siwêydayê, ji alîyê çekdarekî nenas ve hat gulebarankirin ûkuştin.
Jêderên xwecihî dîyar kirin ku komên derqanûnî yên bi navê “Pasvwanên Niştimanî” (El-Heres El-Wetenî) ku ser bi Hikmet El-Hecrîne, li pişt vê kiryara kuştinê ne, ew jî ji ber helwestên helbestvan ên rexnegir li hember wan çete û komikên çekdar û kiryarên wan.
Hêjayî gotinê ye ku di parvekirina dawî ya helbestvan li ser torên civakî de, rexne li komên derqanûnî hebûn, ku wî ew wekî “dûvelankê” ku rejîma revîyayî li Siwêydayê hiştiye, binav kiribûn.
Kiryara kuştina helbestvan, nêzîdu hefteyan piştî kuştina her du şêxan Raid El-Metnî û Mahir Felhût di bin îşkenceyê de piştî girtina wan ji alîyê çeteyên “Pasvwanên Niştimanî” ve, pêk hat. Ev yek di bin sîya rewşa bêserûberîya ewlehîyê de ye ku parêzgeh tê re derbas dibe, tiştê ku hişt şênî daxwaza vegera sazîyên dewletê yên rewa bikin ji bo parastina welatîyan, komkirina çekan û bidawîkirina kaosê.
