Dera – SANA
Rêveberîya Ewlekarîya Hundirîn li navçeya Newa ya bi ser Derayê ve, operasyoneke serdegirtinê ya taybet bi cih anî, di encamê de sê tawanbarên kuştina du kesan piştî kêmî 48 saetan ji tawanê hatin girtin.
Wezareta Navxweyî îro li ser kenala xwe ya Telegramê, eşkere kir ku wê çar tawanbar ji ber tekezbûna beşdarîya wan di kuştina du qurbanîyan de girtin.
Wezaretê tekez kir ku operasyon piştî wergirtina zanyarîyan derbarê kuştina du kesan bi gulebaranê ji Nexweşxaneya Neteweyî ya Newayê, hat pêkanîn, ku pêşî alîyên peywendîdar dest bi danheva nîşan û delîlan kirin, nasnameyên tawanbaran û cihên wan nas kirin û çekên ku pê tawan pêk anîbûn di girtina ser cihên wan de desteser kirin.
Wezaretê got ku kesên girtî li xwe mukur hatin û tawana xwe eşkere kirin. Di lêpirsînan de dîyar bû ku tawan ji ber nakokîyên madî bû, bû pevçûn ku di encamê de kuştin çêbû. Kesên girtî li gor yasayê radestî alîyên peywendîdar hatin kirin da li gor qanûnê werin dadgehkirin.
