Hims – SANA
Belavbûneke mezin a hêzên ewlekarîyê li taxên Başûrê Himsê peyda bûye, piştî sepandina qedexeya çûn û hatinê ji bo kontrolkirina alozîya ku piştî kuştina zilamekî û jina wî li bajarokê Zeydelê derket holê. Ji ber ku li cihê tawanê hin hevokên mezhebî hatibûn nivîsîn, wek hewldanekê ji bo gurkirina nakokîyên mezhebî. Hêzên Ewlekarîya Hundirîn piştrast kir ku armanca belavbûna wan xurtkirina ewlehîyê û girtina rê li pêşîya kesên ku dixwazin vê tawanê wek derfet ji xwe re bibînin û xerabîyan bikin.
Niha li taxên başûrê Himsê rewş aram e, di heman demê de hêzên ewlekarîyê hewldanên xwe yên ji bo vegerandina aramîyê didomînin. Parêzgarîya Himsê civîneke awarte li dar xist, fermandarên leşkerî, berpirsên herêmî û nûnerên serokên eşîran û yên ewqafê beşdar bûn, kesên amade tekez kirin ku rewş hewcedarî hewldanên fermî û civakî yên hevgirtî ye ji bo parastina ewlehîya bajêr û pêşvebirina dîyalogê.
Wezareta Karên Hundirîn ragihand ku wê asta amadebaşîyê bilind kiriye û hejmareke mezin ji Hêzên wê li Zeydel û derdora wê belav bûne, û piştrast kir ku alîyên têkildar ji bo berhevkirina delîlan û destnîşankirina sûcdaran dixebitin, û daxwaza hevkarîyê ji welatîyan kir.
Serokê Ewlekarîya Hundirîn dîyar kir ku armanca tawanê gurkirina nakokîyên mezhebî ye, û daxwaza bênfirehîyê ji welatîyan kir, û tekez kir ku hêzên ewlekarîya navxweyî dê li dijî her hewldanekê ji bo têkbirina aştîya sivîl rawestin.
