Heseke – SANA
Dezgeha ʺSemerʺ, bi hevkarîya Rêkxirawa ʺHêvîya Pêkvejîyanêʺ, Destpêşxerîya “Eman” da destpêkirin, ji bo kêmkirina metirsîyên bîrên vekirî li Qamişlo û gundewarê wê, di bin çavdêrîya Rêveberîya Karûbarên Civakî û Kar de.
Serokê rêveberîya dezgehê, Eymen El-Nuweysir, got ku serjimêrîya ji bo destnîşankirina hejmara bîrên xeternak û haydarkirina xelkê ji bo parastina jîyana wan, nemaze ya zarokan, beşek ji destpêşxerîyê ye.
Destpêşxerî li ser sê qonaxan hate bicîhkirin; qonaxa yekem serdanên meydanî ji bo destnîşankirina cureyên bîran bû, ku 18 bîrên çalak ên pir xeternak, 7 bîrên neçalak ên ku ji bo tenduristî û jîngehê zirardar in, 22 bîrên çalak ên bandora wan neyînî ye û 2 bîrên ku ava kazrînan ya gemar tevlî wan bûye, hene.
Qonaxa duyemîn alavên nixumandina devê bîran ji bo parastinê hatin dayîn, qonaxa sêyemîn li ser rûniştinên haydarkirinê û belavkirina broşûrên hişyarkirinê ne ji bo kêmkirina qezayan.
Ev destpêşxerî piştî tomarkirina çend bûyerên ketina zarokan di nava bîrên vekirî de hate pêşkêşkirin.
