Şam-SANA
Rêveberê Beşê Navxwe yê Zanîngeha Şamê Îmadedîn El-Eyûbî, ragihand ku ji bo xwendekarên Parêzgeha Siwêdayê yên ku li fakulteyên Zanîngeha Şamê tomarkirî ne û dixwazin beşdarî ezmûnên dewreya temamker a sala xwendinê ya 2024-2025 bibin, cihê rûniştinê yê demkî hatîye dabînkirin.
El-Eyûbî îro di daxuyanîyekê de ji peyamnêra SANAyê re eşkere kir ku armanca vê rêkarê sivikkirina barê çûnûhatinê li ser xwendekaran e, her wisa piştevanîkirina wan kesan e ku di dema borî de cihê xwe yê demkî li Şamê ji dest dabûn.
Navborî bang li xwendekarên têkildar kir ku ji bo hevahengîkirina karûbarên mana xwe di dema ezmûnan de bi rêveberîya Beşê Navxwe re têkilîyê deynin.
Biryar e ku ezmûnên dewreya temamker (tekmîlî) ji bo xwendekarên salên dawî li zanîngehên hikûmî yên sala xwendinê ya 2024-2025, yekşema bê ya 12.10.2025an dest pê bikin û heta 23.10.2025an berdewam bikin.
