Şam-SANA
Îro li avahiya Rêveberiya Giştî ya Elektrîkê, Dezgeha Giştî ya Veguhestin û Belavkirina Elektrîkê, girêbestek li gel Kompaniya Menaret el-Şehba ya Enerjiya Nûjenkar imza kir, ji bo avakirina stasyoneke berhemdana fotoelektrîkî ya bi karîna 100 mega wat li Devera Navîn ji Sûriyê.
Rêvebirê Dezgeha Giştî ya Veguhestin û Belavkirina Elektrîkê Xalid ‘Ebûdî, di daxwiyaniyekê ji peyamnêra Sana re diyar kir ku ev proje bi armanca pirkirina berhemdana elektrîkê û kêmkirina se’etên birrîna wê ye, û amaje kir ku stasyon dê di dema 18 heyvan de were avakirin da amade be ji bo berhemên xwe yên elektrîkê tevlî tora giştî bike, û ew dê bi hêza 230 kîlo volt ve were girêdan, di riya teknîkên nûjen re li gor sîstema Skada ya control û çavdêriya karûbarên tora elektrîkê.
Ji hêla xwe ve, rêvebirê cîbicîkar yê Kompaniya Menaret el-Şehba Mihemed Ewfî ‘Elaf, tekez kir ku ev girêbest wek destpêkê ye ji hejmarek ji projeyên dema bê re di warê Enerjiya Nûjenkar de, û amaje kir ku cîbicîkirin dê yekser dest pê bike da karibe di dema xwe ya destnîşankirî de temam bibe.
Ev proje yek ji bizav û karên Sûriyê ye ji bo mukumkirina bikaranîna jêderên enerjiya nûjenkar, nemaze enerjiya rojê, da karibin enerjiyê bi awayekî berdewam bidest bixin û rewşa elektrîkê li welêt baş bibe.
