Heleb-SANA
Hat ragihandin pêşandaneke taybet a fîlma “Gandhiyê Biçûk” a ku li ser Şehîd Xiyas Matar hatibû amadekirin li Zanîngeha Helebê hat pêşkêşkirin.
Şehîd Xiyas Matar, bi pêşandana taybet a belgefîlma “Gandhiyê Biçûk” a ku li Amfîtiyatroya Serkeftinê ya Fakulteya Endezyariya Sivîl a Zanîngeha Helebê hat tertîpkirin hat bîranîn. Hat ragihandin pêşandan ji aliyê Wezareta Çandê ve hate sponsorkirin û ji aliyê rêxistina Merhameya li Seranserê Cîhanê (Mercy Around the World) ve hate organîzekirin.
Fîlm, ku ji teref Sam Kadiyê Amerîkayî ku eslê xwe Sûrîyeyî ye ve hatiye kişandin; çîroka çalakvanê aştîxwaz Şehîd Xiyas Matar tîne li ser ekraran ku Şehîd Xiyas Matar di destpêka şoreşê de bi belavkirina gul û şûşeyên ava mîneral ya ji endamên rejîma berê re navdar bûbû. Şehîd Xiyas Matar piştî ku hatibû girtin û di bin îşkenceyan de hatibû şehîdkirin bûbû sembola fedakarîyê.
Serokê rêxistina Mercy Around the Worldê Dr. Şadî Zaza, derbarê fîlma ku hat pêşkêşkirin de ji peyamnêrê SANAyê re daxuyanîyek da. Dr. Şadî Zaza di daxuyanîya ku da de de got: ” Piştî pêşandana wê ya çend roj berê li Şamê, îro em fîlma ‘Gandhîyê Biçûk’ ji bo cara yekem li Helebê nîşan didin. Bi rêya wvê fîlmê, Derhêner Sam Kadi bingeha qurbaniyên Sûrî û pîroziya şehîdiyê temsîl dike.”
Sam Kadi jî derbarê mijarê de kêfxweşiya xwe ya kûr ji nîşandana fîlma xwe li Zanîngeha Helebê re anî ziman, û derbarê mijarê de destnîşan kir ku cihê a niha xwedî sembolîzmeke taybetî ye ji ber ku ew şahidiya destpêka wî ya hunerî ya seh dehsal berê kiriye. Derhêner Sam Kadi her wilo îfade kir ku Şehîd Xiyas Matar ne tenê kesayetek takekesî bû, lê belê sembolek neteweyî bû ku bi aştîxwazî û dilsoziya xwe ya ji bo doza xwe ji bo bi hezaran ciwanan bûn kesê îlhambexş.
Hêjayî gotinê ye ku fîlma “Gandhiyê Biçûk” di sala 2016an de hatiye kişandin û li gelek welatên Ewropî û Amerîkayê hatiye nîşandan û gelek xelatên navneteweyî wergirtiye. Her wiha ev fîlm ji aliyê Rêxistina Efûyê ya Navneteweyî ve hatiye pêşkêşkirin û wekî dengek ji bo gelê Sûriyeyê li Kongreya Amerîkayê hatiye nîşandan. Her wiha ev fîlm bi fermî li ser navê Sûriyeyê beşdarî Xelatên Akademiyê yên Fîlmên Biyanî yên 2017an bûye.
