Heleb – SANA
Hat ragihandin HSDya ku bi navê Hezên Sûrîyê yên Demokratîk tê nasîn li rojhilata Helebê êrîşî malên sîwîlan kir. Li gorî agahîyên ku hatine wergirtin komek kesên ku endamê Hezên Sûrîyê yên Demokratîk bûn bi çekan êrîş birin li ser malên kesên sîwîl ku artêşa Sûrîyê di cî de êrîşan asteg kir û cewab da êrîşkaran.
Derbarê êrîşa ku li rojhilata Helebê hat kirin de ji teref Daîreya Medya û Ragihandinê ya Wezareta Parastinê ve daxuyanîyek hat belavkirin. Di daxuyanîya ku hat belavkirin de derbarê mijarê de hat ragihand ku hêzên HSD’ê(Hezên Sûrîyê yên Demokratîk), bi awayekî bêberpirsiyar û ji nişka ve, ji cihên xwe yên kontrolkirî yên li Balafirgeha Leşkerî ya El-Cerrah û derdora bajarê Meskenayê, dest bi bombebaraneke tund kirin, û malên sivîlan ên li gundên El-Keyariya, Resm el-Ehmer û Hebûba Kebîr li gundewarê rojhilatê Helebê hedef girtin. Di bombebaranê de du sivîl mirin û sê kesên din jî birîndar bûn.
Li gorî agahîyên ku hatine bidestxistin çavkaniyekî din a di daîreyê de mirin û birîndarbûnên ku êrîş ji wan re bûne sdem teyîd kir û ji SANAyê re got ku piştî ku HSD’ê(Hezên Sûrîyê yên Demokratîk) êrîşên xwe yên li ser malên sivîlan li rojhilatê Helebê zêde kirin, ku di encamê de du sivîl mirin û yên din birîndar bûn, hêzên Wezaretê yên li herêmê hatine bicihkirin hatin seferberkirin û midaxele li êrîşkarên Hezên Sûrîyê yên Demokratîk hat kirin.
Çavkaniyê îfade kir ku Wezareta Parastinê erk û wezîfeya xwe yê parastin û berevaniya sivîlan û parastina jiyan û milkê wan pêk tîne, û dê di vî warî de çi ji destên wî bê dê bike.
