Heseke – SANA
Îro Yekşemê, Wezareta Perwerdeyê li parêzgeha Hesekê bi mebesta dîyarkirina astên perwerdehî û zanistî û destnîşankirina pêdivîyên xwendekarên ji perwerdeyê qutbûyî, ezmûna pîvana zanînê pêk anî; ev pêngav wekî amadekarîyekê ye ji bo vegera wan bo ser kursîyên xwendinê.
Wezareta Perwerde û Hînkirinê bi rêya kanala xwe ya Tiligramê ragihand ku armanca vê ezmûna pîvana zanînê ew e ku alîyên windahîya perwerdeyî li cem xwendekaran werin naskirin, û pol ligel astên xwendinê yên ku li gorî şîyan û astên wan ên rastîn in werin destnîşankirin; ev yek jî dê bibe alîkar ku ew ji nû ve tevlî qonaxa perwerdeyê ya guncaw bibin.
Wezaretê her wiha destnîşan kir ku ev pêngav di çarçoveya çalakîya vegerandina xwendekarên qutbûyî bo nav jîngeha dibistanê de tê avêtin, da ku alîkarîya wan bê kirin ku tiştên ji perwerdeyê ji dest dabûn qerebû bikin, û mercên guncaw ji wan re werin dabînkirin da ku proseya xwe ya perwerdeyê temam bikin û xwendina xwe bidomînin.
