Şam-SANA
Zanîngeha Vîrtûel a Sûrîyê îro Sêşemê encamên mufadeleya xwe (pêşbirka wergirtinê) ya ji bo nîvsala xwendinê ya payîza 2025an (F25) ji bo hemû bernameyên xwe derxist, ev jî ji bo xwendekarên ku belgeyên xwe yên fermî bi awayekî elektronîk heta dîroka 15ê Adara 2026an temam kirine.
Zanîngehê di daxuyanîya xwe de, ku kopîyek jê gihîştîye SANAyê, dîyar kir ku mirov dikare encaman bi vî awayî bibîne:
Bi ketina malpera mufadeleyê: (https://mof.svuonline.org/loginpage)
Zanîngehê da zanîn ku daxwazên xwedîyên bawernameyên amadehî yên ne Sûrî ku serî li mufadeleyê dane û navên wan di lîsteyên qebûlkirinê de cih negirtiye, dê bi awayekî perîodîk bên kontrolkirin dema ku hevsengîya wan ji Wezareta Perwerdeyê derkeve, da ku amadekarî ji bo temamkirina proseyên tomarkirina wan bêne kirin.
Her wiha zanîngehê amaje pê kir ku encamên bûrsên xwendekarên serkeftî û yên xwedî pêdivîyên taybet (kêmendam) dê di nava hefteya bê de derkevin, ligel encamên qebûlkirina xwedîyên bawernameyên amadehî yên sala 2007-2008an ji bo tomarkirina li peymangehên teknîkî.
