Şam-SANA
Wezareta Perwerde û Hînkirinê xwe amade dibe ku di meha Tebaxa bê de Bernameya Niştimanî ya Çalakîyên Dibistanan ên Havînê di hemû dibistanên hikûmî de bide destpêkirin.
Ev pêngav armanc dike ku bêhnvedena havînê di geşepêdana jêhatîbûn û behreyên xwendekaran de were bikaranîn û rola dibistanê wekî qadeke hînkarî, çandî û civakî xurt bike ku bandora wê piştî sala xwendinê jî berdewam bike.
Rêveberê Rêveberîya Çalakî û Parastinê li Wezareta Perwerdeyê Hesen El-Hesen di daxuyanîyekê de ji bo SANAyê ragihand ku bername hemû qonaxên xwendinê û hemû parêzgehan li xwe digire.
Beşdarbûna xwendekaran di bernameyê de li ser daxwaza wan e û çalakî bi serpereştîya wezaret û rêveberîyên perwerdeyê, bi hevahengîya çend alîyên hikûmî li gorî cureyê her çalakîyekê têne cîbicîkirin.
El-Hesen eşkere kir ku armanca bernameyê ew e ku dema vala ya di bêhnvedena havînê de bi awayekî ku mifayê bide xwendekaran were bikaranîn. Her wiha ji bo vedîtina behreyên wan, geşedana wan, avakirina kesayetîya wan û xurtkirina nirxên karê komî, endambûn û berpirsîyarîyê ye.
Ligel vê yekê, bername qadên erênî peyda dike da ku enerjîyên wan werin valakirin û afirînerî û nûjenî werin handan.
