Şam – SANA
Wezareta Xwendina Bilind û Lêkolîna Zanistî îro Pêncşemê, bûrsên xwendinê ji bo qonaxa xwendina bilind (Master û Doktora) ragihandin, ku ji alîyê Zanîngeha COMSATS Îslam Abad (CUI) vê li Pakistanê ji bo xula Payîza 2026an hatine pêşkêşkirin.
Wezaretê pisporîyên bûrsên pêşkêşkirî (teknîkî, zanistî, îdarî û navdewletî) dîyar kirin, û eşkere kir ku ew tenê xercên xwendinê digirin ser xwe, lê xwendekar bi xwe lêçûnên rêwîtî û jîyanê dabîn dike. Her wiha bang li kesên daxwazker kir ku berî 30yê Gulana 2026an bi awayekî elektronîk serlêdanê bikin, tevî karîna dîtina mercan bi rêya lînka taybet.
Zanîngeha “COMSATS Îslam Abad” wekî sazîyeke hikûmî ya pêşketî tê hesibandin ku di hînkirina xwe de zimanê Îngilîzî bi kar tîne û xwedî pêgeheke bilind e; ji ber ku li ser asta Pakistanê di rêza duyemîn de cih girtiye û li gorî dabeşkirina “Times” a sala 2025an, di nav 800 zanîngehên herî baş ên cîhanê de ye.
