Şam-SANA
Wezareta Perwerde û Hînkirinê xwe amade dike ku di demeke nêzîk de “Platformên Perwerdeyê yên Sûrîyê” bi awayekî test bide destpêkirin. Ev wekî sîstemeke perwerdeyê ya elektronîk û berfireh tê hesibandin ku armanca wê pêşkêşkirina dersên perwerdeyê û materyalên dewlemendker ên belaş e ji bo hemû xwendekaran di hemû qonaxên xwendinê de û li hemû deveran, da ku gihîştina zanînê hêsantir bibe û sîstema perwerdeyê pêş bikeve.
Rêveberê Navenda Niştimanî ya Pêşxistina Bernameyên Perwerdeyê, Dr. Îsmet Remezan, di daxuyanîyekê de ji bo nûçegihana SANAyê dîyar kir ku ev gav wekî pêkanîna stratejîya “Veguhastina Dîjîtal” e ku wezaretê pejirandîye.
Ji alîyê xwe ve, mamosteyê matematîkê yê qonaxa amadehîyê, Heysem Xelel, destnîşan kir ku armanca sereke ya van dersan peydakirina piştevanîya perwerdeyê ji bo xwendekaran li malên wan e, ev yek rê dide wan ku her kil û kêmasî yan pirsgirêkên perwerdeyê yên ku di sala xwendinê de rastî wan hatine, çareser bikin.
