Şam-SANA
Wezareta Perwerde û Hînkirinê dirêjkirina betlaneya nîvsalê ya hemû dibistanên giştî û taybet ragihand. Ev biryar hat dan ji bo misogerkirina birêkûpêkîya proseya perwerdeyê, yekkirina dema destpêkirina nîvsala duyem li tevaya parêzgehên Sûrîyê, û ji ber mercên hewayê yên ku li hejmarek parêzgehan hene.
Li gorî biryara ku îro Çarşemê ji alîyê wezaretê ve hat derxistin, betlaneya nîvsalê heta dîroka 31ê kanûna paşîn 2026an berdewam dike, û nîvsala duyem dê roja Yekşemê, 1ê Sibata 2026an dest pê bike.
Wezaretê rêveberên perwerdeyê li parêzgehan erkdar kirin daku gavên rêxistinî û îdarî yên pêwîst bavêjin ji bo bicihanîna biryarê bi awayê herî baş, û dabînkirina amadebaşîya tam daku nîvsala duyem di dema xwe ya nû de dest pê bike.
