Şam-Sana
Wezareta Perwede û Hînkirinê ya Sûrî, careke din destûra dûbare-vekirinê da dezgehên hînkirinê yên taybet, ên girtî û yên ku ruxseta wan ji 2011an ve tune ye, ji ber rewşên ewlekarî an tunebûna daxwazeke fermî a rawestandinê.
Wezaretê di biryara xwe de, ya ku Sana kopyake wê wergirtiye, mercê hazirbûna xwediyê ruxsetê danîbû, û tekezî li ser xwedîtiya wî kesî bi awayeke yasayî ji wê dezgehê re kiribû.
Wezaretê diyar kiribû ku eger xwediyê wê dezgehê nikaribe dezgeha xwe careke din veke, divê daxwaznameyekê pêşkêşî Rêveberiya Perwerde û Hînkirinê bike, tê de daxwaza rawestandina kar bo saleke tenê 2025-2026 bike, û tekezî li ser giringiya amadebûna avahiya wê dezgehê li gor şert û mercê Rêveberiya Hinkirina Taybet kiribû.
Wezaretê diyar kiribû ku biryar li gor mersûmê ″55″ yê 02/09/2025 yê derbarê Hînkirina Taybet e.
Wezaretê bal kişand ser ku ev biryar bersiv bû ji daxwazên Rêveberiyên Perwerde û Hînkirinê yên parêzgehan re, ku wan xwestibû careke din biryra rawestandina hin dezgehên hînkirinê di bin çavan re derbas bibe, bi taybetî yên ku hêzên ewlekariya rêjîmê ew ji sedemin siyasî girtibûn, di demekê de ku aramî ji ber dijminkariya rêjîmê dijî gelê Sûriyê tune bû û xwediyên wan dezgehan an derketibûn ji welêt an daxwaznameya rawestandina kar pêşkêş nekiribûn.
Wezaretê di 8 vê heyva îlonê de, biryarek derxistibû tê de destûr dabû dezgehên Hînkirinê ku dewameke xwe yê danê êvarî jî bo sala 2025-2026 vekin, li ser daxwaza malbatên xwendekaran û ji ber ku civak pir hewcedarî wan dezgehan e.
Wezaretê ev biryar da ji bo berfirehkirina derfetên hînbûnê li gor şert û mercên başbûnê da ew dezgeh bibin alîkar ji bo sivikirina barê li ser dezgehên hînkirinê yên dewletê.
