Şam-SANA
Wezîrê Xwendina Bilind û Vekolînên Zanistî Merwan el-Helebî, tekez kir ku mufadeleya giştî ya qebûlkirina xwendina li zanîngehan dê di dawiya vê hefteyê de were ragihandin, û malpererek elektronîk ji bo serlêdanê bi navê ″Cami’etî″ berî ragihandinê dê were destpêkirin .
El-Helebî di daxuyaniyekê de îro got: “Wezaret amadekariyên tam dike ji bo ragihandina mufadeleya giştî ya qebûlkirina xwendina li zanîngehan, û dê yek mufadele ji tevaya zanîngehan re be, çi yên dewletê û çi yên taybet bin.
El-Helebî diyar kir ku dê di riya malpera “Cami’etî” re xwendekar karibe serlêdanê bike bêyî hewcedarê kaxezan an serlêdana fîzîkî bibe, û ev yek dê bihêle serlêdan hêsan be û encam zelal bin. Û amaje kir ku ev mufadeleya yekem e piştî rizgarkirinê, û wezaret di riya wê re sînga xwe ji tevaya xwendekaran re vedike, çi yên hundur çi yên dervî welat bin.
El-Helebî daxwaz ji xwendekarên ku neçar mabûn ku xwendina xwe li derveyî Sûriyê berdewam bikin kir ku vegerin zanîngehên xwe û welatê xwe da beşdariyê di prosesa avakirin û pêşxistinê de bikin, û ev kar wekî gaveke dîrokî dît ku îradeya Sûriya nû diyar dike ber bi pêşerojeke geş û şên de yê li ser bingeha xwendina bilind ava dibe.
Mufadeleya giştî ya qebûlkirina xwendina zanîngehan yek ji rawestgehên herî giring e ku bi hezaran xwendekarên sûrî li bendê ne, ji ber ku ew pêşeroja wan a xwendina li zanîngeh û peymangehan destnîşan dike, di dema ku gelek guhertin di warê xwendina bilind de çêdibin û her dem Wezareta Xwendina Bilind dixwaze ku mîkanîzmayin nû bibîne ji bo pêşxistinê û dabînkirina wekhevî û zelaliyê.
Destpêkirina serlêdana elektronî bo malpera “Cami’etî” gaveke cureyî ye, karîna serlêdanê û tekezkirina bijardeyên xwe bi awayekî dîjîtal ji xwendekaran re dabîn dike, bêyî hewcedariya wan bi kaxezan wek berê hebe, ev yek dihêle xwendekar di demeke kurt de qeydkirina xwe bi cih bîne û encaman bi zelalî bibîne.
