Waşington-SANA
Şandeya Sûrî bi serokatîya Wezîrê Enerjîyê Mihemed El-Beşîr, îro Duşemê li Waşingtona paytexta Amerîkayê civîneke dualî ligel Serokê Kompanya HKN Energy Mark Rollins û bi amadebûna Serokê Desteya Rêveber a Odeya Bazirganîyê ya Amerîkî Ross Perot Jr. pêk anî, ku tê de asoyên hevkarî û veberhênanê di sektora enerjîyê de li Sûrîyê hatin gotûbêjkirin.
Her du alîyan di dema civîna ku li navenda Odeya Bazirganîyê ya Amerîkî hat lidarxistin, derfetên berdest ji bo nûjenkirin û pêşxistina binesazîya sektora petrol û gazê li Sûrîyê, ligel karûbarên lojîstîk û projeyên geşepêdanê yên pê ve girêdayî nirxandin.
Alîyê Sûrî hêsankarî û jîngeha rêxistinî yên ku di kişandina sermayeyan û dabînkirina jîngeheke kar a aram ji bo hevkarîyên navneteweyî di warên veberhênan û jinûveavakirinê de garantî dikin, pêşkêş kirin.
Kargerê Karûbarên Balyozxaneya Sûrî li Waşingtonê Mihemed Qenatrî di civînê de amade bû.
