Şam – SANA
Wezîr Mihemed Yusir Bernîyê ragihand ku Banka Cîhanî li ser fînansekirina du projeyên nû razî bûye, bi vî rengî hejmara giştî bû 4 proje ji nava 11 projeyan. Ev yek bi armanca bihêzkirina veberhênanê û bidestxistina başbûneke domdar tê, ku pêşketina pêgeha Sûrîyê di sîstema fînansekirina navdewletî de nîşan dide.
Fînansekirinên niha li ser sektorên elektrîkê (146 mîlyon dolar), avê (150 mîlyon), tenduristîyê (75 mîlyon) û rêveberîya darayî (20 mîlyon) hatine dabeşkirin. Wezîr Bernîyê dîyar kir ku her du bexşînên dawî armanc dikin ku xizmetguzarîyên giştî baştir bikin, ligel amadekarîya ji bo projeyên paşerojê bi nirxê 1.4 mîlyar dolarî ku perwerde, enerjî, veguhastina dîjîtal û parastina civakî li xwe digirin.
Hikûmet bi rêya van bexşînan hewl dide bawerîya navdewletî careke din bi dest bixe, û pispor Kerem Xelîl û Qasim Ebû Dest dibînin ku ev pêngav dorpêça aborî dişkîne. Her wiha ev proje piştgirîya vegera koçberan di çarçoveya destpêşxerîya “Sûrîya bê Kamp” de dikin, hevdem ligel vegera Sazîya Fînansekirina Navdewletî (IFC) ji bo piştgirîkirina sektora taybet.
