Şam-SANA
Çalakîyên 4emîn Pêşangeha Navdewletî ya Sûrîyê ji bo Mekanîzasyona Çandinîyê, Ajeldarî û Pêdivîyên Hilberîna Çandinîyê “Agro Syria”, êvara duh Yekşemê li Qada Pêşangehan a Şamê bi dawî bûn, bi beşdarîya zêdetirî 120 şirketên navxweyî, Erebî û navdewletî.
Rêveberê Aborî û Plansazîya Çandinîyê li Wezareta Çandinîyê Seîd Îbrahîm ji SANAyê re got ku gera îsal beşdarîyeke berfireh ji şirketên Erebî û navdewletî dît, tevî amadebûneke mezin a mêvan û veberhêneran.
Ji alîyê xwe ve, Rêveberê Giştî yê koma amadekar a pêşangehê Xelef Meşhedanî dîyar kir ku hejmara serdankeran di nav çar rojan de 14 hezara derbas kir, tevî amadekirina zêdetirî 40 otobusên VIP ji parêzgehên Sûrîyê, ligel mêvanên ku ji Urdun, Libnan û Tirkîyê hatibûn.
Meşhedanî destnîşan kir ku di pêşangehê de 12 peyman di navbera şirketên beşdar de hatin îmzekirin, û şirketeke holdingê hat ragihandin. Her wiha hejmarek dersên zanistî û komxebat ji hêla Wezareta Çandinîyê ve bi hevkarîya pisporên warê çandinî û veternerîyê hatin sazkirin.
