Waşington – SANA
Wezareta Darayî ya Amerîkî pesnê jinûve çalakkirina hesabê Banka Navendî ya Sûrî li ba Banka Federal Reserve li New Yorkê da, ku ev cara yekem e ji sala 2011an ve. Wezaretê ev gav wekî “dîrokî” wesif kir û tekez kir ku ew hewl didin Sûrîyê di nav pergala darayî ya cîhanî de bi cih bikin. Ev yek bi hevahengîya ligel hikûmeta nû û li gorî dîtina Serok Trump ji bo pêkanîna geşepêdana aborî li wê derê tê kirin.
Wekî temamkera daxuyanîya Banka Navendî ya Sûrî ya di 28ê Sibata borî de, hesab bi awayekî fermî li ba Banka Federal Reserve li New Yorkê hat çalakkirin. Armanca vê gavê xurtkirina tevlîbûna di pergala darayî ya cîhanî de û birêkûpêkkirina peywendîyên darayî yên derve yên Sûrîyê ye, piştî qutbûneke ku ji sala 2011an ve berdewam dikir.
