Şam – SANA
Dezgeha Navendî ya Çavdêrîya Darayî dozeke mezin a dizîyê aşkere kir ku bihayê wê zêdetirî milyonek û 400 hezar dolarî ye. Ev doz vedigere serdema rejîma berê û girêdayî pereyên guhertina 100 dolaran û xercên vîzayê ye li dergehê Nesîb û Balafirgeha Navdewletî ya Şamê.
Lêkolînan derewbûna îdîayên kesên tevlîbûyî piştrast kir, û li gorî vê yekê, mal û milkên wan demkî hatin desteserkirin, qedexeya geştê li ser wan hat sepandin û ber bi dadgehê ve hatin birin. Ev yek di çarçoveya kampanya berdewam a Dezgeha Navendî de tê ji bo aşkerekirina dosyayên gendelîyê, vegerandina malê giştî û parastina çavkanîyên dewletê.
