Şam-SANA
Alîkarê Wezîrê Enerjîyê yê karûbarên elektrîkê, Omer Şeqrûq, duh bi şandeyeke Banka Navdewletî re, pêşhateyên projeya elektrîkê ya awarte li Sûrîyê û qonaxên cîbicîkirina wê, ligel astengî û çareserîyên pêşnîyarkirî ji bo lezkirina cîbicîkirinê, gotûbêj kirin.
Civîn li ser van xalan rawestîya: Egera bidestxistina alîkarîyeke zêde ji bo peydakirina piştgirîya teknîkî û veberhênanan ji bo nûjenkirina sîstema elektrîkê, kêmkirina ya windabûyî, zêdekirina pêbawerîya peydakirinê û karîgerîya sazîyên sektorê.
Her wiha, tedbîrên kirîn û fînansekirinê li gorî rêgezên Banka Navdewletîî, mekanîzmayên amadekirina rapor û daxwazên diravdanê, ligel gengeşekirina alîyên jîngehî û civakî û planên pabendbûnê û pêwîstîyên tenduristî hatin gotûbêjkirin.
Wezareta Enerjîyê hewldanên xwe ji bo piştgirîkirina alîyên teknîkî yên pêşxistina sîstema elektrîkê û nûjenkirina binesazîyê, ji bo baştirkirina kalîteya hilberîn û belavkirinê li gorî standardên herî nû yên cîhanî, didomîne.
