Şam-SANA
Banka Bazirganîya Sûrî ragihand ku xizmeteke nû bo kesên teqawidbûyî ketiye xizmetê, ew jî ku di rêya kartên ATMê re ya ku ji alîyê bankê ve hatiye dayîn, dikarin li hemî şaxên Kompanîya El-Heremê ya Veguhastina Pereyan mûçeyên xwe bikişînin.
Li gorî daxuyanîya Banka Bazirganîyê, ev gav wekû bersivdayîna Wezîrê Darayî tê û armanca wê ku xanenişîn mûçeyên xwe bi rihetî wergirin bêyî ku tûşî qerebalixîya li ber dergehên ATMan bibin. Her weha wekû navgîneke cuda û hêsan ya wergirtina mûçeyên mehane ya ku wê serê her heyvê berdest be, lê tê nihêrîn.
Wekî din jî, ev gav asankarîyekê bo niştecîyên Îdlib û Herêma Başûr û her weha hindek deverên bajarê Hemayê jî yên ku dûrî şaxên bankê ne, pêşkêş dike, nexasim ku serê pîr û kalan rihet dike da ku berê xwe nedin deverên dûr û li ber dergehên bakan gelekî nemînin.
Li alîyê din jî, ev gav yek ji gavên bankê ye ya ku bank ji bo xizmeta welatîyan avêtiye.
Her weha hêjayî gotinê ye ku di 10ê Tîrmeha çûyî de, Banka Bazirganîya Sûrî, sînorê kişandina pereyan ji hesabê kartên elektronî hildabû ku bigihêje 600,000 l.s. bi rêya ATMê di her hefteyê de.
