Şam-SANA
Serokê Banka Navendî ya Sûrîyeyê, Dr. Ebdulqadir El-Husrîye, tekez kir ku biryara guhertina diravê neteweyî û hilanîna du sifiran jê, gaveke girîng di xurtkirina serxwebûna darayî de raber dike. Wekî din jî, wî destnîşan kir ku ev gav bandorê li nirxê rastîn ê lîreyê nake, lê belê armanca wê ku danûstandinên rojane hêsan bike.
Lîreya Nû li ber Çapê ye
Her weha Serokê Banka Navendî ya Sûrîyeyê rave kir ku pereyê nû, ku jê re “lîreya nû” tê gotin, dê şeş diravan bi taybetmendîne ewlehîyê yên bilind were derxistin. Wekî din jî, wî tekez kir ku ev pêvajo nayê wateya çapkirina perene dîtir, lê belê hew guhertina pereyên heyî ye. Her weha wî lê zêde kir ku bank dê kampanyeke hişmendîyê ya berfireh li ser mekanîzmayên guhertinê bide destpêkirin.
Pêşveçûna Berdewam a Sîstema Diravdana Elektronîkî
Li alîyê din jî, Serokê Banka Navendî ya Sûrîyeyê destnîşan kir ku bank ji bo pêşxistina sîstema diravdana elektronîkî dixebite da ku karîgerîya sîstema darayî têkûz bike. Her weha wî tekez kir ku xema pêşîn aramîya beşê darayî û avakirina bawerîya emanetkar û veberhîneran e, ligel rakirina hino hino ya sînorên li ser kişandina pereyan.
Mûletdana Bankên Nû Veberanînê Han Dide
Serokê Banka Navendî ya Sûrîyeyê piştrast kir ku heke ew mûletê bidin bankine nû, dê beşdarî handana veberhênanê û parastina aramîya darayî bibin. Her weha wî destnîşan kir ku bank bi dîtineke vekirî dixebite da ku pergala darayî ya neteweyî têkilî aborîya cîhanî bike û bawerîyê bi lîreya Sûrîyeyê xurt bike.
