Rîyad – SANA
Pêşangeha Avahîsazîya Her Du Heremên Pîroz (Mizgefta Heram û Mizgefta Nebewî) li Mekeya Pîroz, wekî pencerayeke çandî tê dîtin ku qonaxên pêşketina her du mizgeftan belge dike. Pêşangeh li ser rûberê 1200 metreyên çargoşe li taxa Um El-Cûd hatiye avakirin û ji heft holên sereke pêk tê. Di van holan de tiştên kêmpeyda û dîrokî tên nîşandan; wekî derîyê Ke’beyê yê dîrokî, stûnên kevnar, û destnivîsên Quranê yên ku temenê wan ji 1400 salî zêdetir e.
Armanca pêşangehê ew e ku ezmûneke dîtbarî û zanistî pêşkêş bike da ku nifşan bi dîroka avahîsazîya Îslamî û berfirehkirinên li pey hev ve girê bide, bi şêwazekî ku resenî û teknolojîyên nûjen digihîne hev.
Ev hewldan di çarçoveya “Nêrîna Șahnișînîyê ya 2030” de ne, bi mebesta bilindkirina asta hişmendîya çandî û dewlemendkirina ezmûna mêvanên Xwedê (Hacî û Umrekar). Ev yek rola Șahnișînîyê di parastina mîrasa Îslamî û pêşkêşkirina wê bi nerîneke şaristanî ya hevdem nîşan dide.
