Şam – SANA
Pîşeyên kevneşopî li herêma Cizîra Sûrîyê wekî beşekî resen ji nasnameya çandî têne dîtin, û di dirêjahîya dîrokê de jin stûna bingehîn a parastin û pêşxistina van huneran bûn.
Ev pîşe karên wekî teşîrêstin, neqişandin, çêkirina xalîçeyan, û berhemên ji hirî û pembû li xwe digirin, ku bi tevahî materyalên jîngeha herêmî bi kar tînin li gor ezmûnên ku ji nifşekî derbasî nifşekî din bûne tên kirin.
Ev kar ne tenê çalakîyeke aborî bû, lê belê amûrek bû ji bo parastina bîrdanka civakî û xurtkirina rola jinê di warê civakî û çandî de.
Di vê qadê de, ristina hirîyê di rêza pêşîn de bû, li gel çêkirina alavên ji qamîşê her wiha çêkirina doşek, lihêf û nivînan. Li gel van jî, çêkirina kelûpelên ji çerm, tendûrên herîyê û berhemên xwarinê yên mîna rûnê nivîşk û keşkê jî hebûn.
Van pîşeyan hem hewcedarîyên malê dabîn dikirin û hem jî piştgirîyeke aborî didan malbatê. Lê belê, bi hatina amûrên nûjen re, berhemdana bi destan kêm bû û hinek pîşe ber bi windabûnê ve çûn; ev yek bû sedema jinavçûna gelek hunerên kevneşopî yên ku bi dehên salan jinên Cizîra Sûrîyê pê dihatin naskirin.
