ŞAM-SANA
Navenda Çandê ya Erebî li Ebû Rummane li Şamê, di çarçoveya rêzesemînerên “Bîrdanka Şoreşa Şamê” de, mêvandarîya semînereke bi navê “Girtîyên Rejîma Esed di Navbera Êşa Berê û Hêvîya Azadîyê de” kir.
Girtîyên serbestberdayî, bîranînine biêş li ser salên zilm û zordarîyê di zindanên rejîmê de pêşkêş kirin, û tekez kirin ku belgekirina bîrhatinan, rêya edaleta veguhêz û avakirina dewleta nû ye.
Yehya Neşwatî behsa darvekirinên rojane li Nexweşxaneya Leşkerî ya Mezzê kir, di heman demê de Hanî Mufdî Ilêwî behsa heft salên xwe yên di zindana Seydnaya û hukmê zindankirina heta hetayê yê berî serbestberdanê kir, û amaje bi giringîya damezrandina Komeleya Girtîyên Şoreşê kir da piştgirîyê bidin kesên hatine serbestberdan.
Di heman demê de, Fatima Nekkaş ezmûna dayiktîya xwe ya di zindanê û windakirina zaroka xwe ya ku di wê zindanê de mezin kiribû, bi bîr anî.
Di dawîyê de, lêkolîner Basil El-Humsî tekez kir ku dadmendî li ser bingeha rastî û lihevhatinê ava dibe, azadîya derbirînê û belgekirina şahidhalîyan, bingeh in ji bo avakirina welatekî ku rêzê li rûmeta mirovan û mafê azadîyê bigire.
